ஜூலை 15 முதல்..... காலை உணவு திட்டம் முக்கிய அறிவிப்பு..!

தமிழகத்தில் மாணவர்களின் கல்வித் திறனை மேம்படுத்த தமிழ்நாடு அரசு பல்வேறு திட்டங்களை செயல்படுத்தி வருகிறது. இதன் ஒரு பகுதியாக முதலமைச்சரின் காலை உணவு திட்டம் அரசு பள்ளிகளில் செயல்படுத்தப்பட்டு வருகிறது.

இந்நிலையில் இந்த திட்டம் கல்வி வளர்ச்சி நாளான வரும் ஜூலை 15ஆம் தேதி முதல் தமிழ்நாடு முழுவதும் உள்ள அரசு உதவி பெறும் தொடக்கப் பள்ளிகளிலும் தொடங்கப்படும் என தமிழக அரசு அறிவித்துள்ளது. 

மேலும் இது தொடர்பாக வெளியிடப்பட்டுள்ள அறிக்கையில், பெருந்தலைவர் காமராஜர் பிறந்த நாளில் திருவள்ளூர் மாவட்டம் கீழச்சேரி கிராமத்தில் உள்ள புனித அன்னாள் உதவி பெறும் தொடக்கப் பள்ளியில் நடைபெறும் நிகழ்ச்சியில் தமிழக முதலமைச்சர் மு.க.ஸ்டாலின் பங்கேற்று காலை உணவு திட்டத்தை தொடங்கி வைக்க உள்ளார் என்றும் தெரிவிக்கப்பட்டுள்ளது.